قصايد

 

نجوم المهرجان

 

كل يوم عندا عرض

وبتربح كاس وصولجان

 

بدّك وجد ودموع شوفا مع المظلوم

وغرام بدّك بتقلّك

بعيونا الي بريق بأيّاما الي مطرح

 

 

غيري لعب انطونيو المجنون وقيس وروميو

ويمكن كمّل عشق عن جد ويمكن ليلى وصحابا غابو

بس الآمر وقادر عطاني اجمل الادوار

نجم وعزيز بقلبا كون

والعمر كلّو مش ساعة زمان

هيدا كلام هيدا اجمل مهرجان

***

 

 

شويّة مدى

 

ما تحاوطني وتخسر

ما تلاحقني وتندم

هيدي انا وهيدا قلب

وقصتك معنا مش مع غرب

 

روق عوضعك  وتروّى

ساعة ضهره وساعه سهره

مرّه حفله ومرّه معرض

 

عم اسمعك واتعب

وصحابي زهقو صوتك وكرمك

 

تمشّى بقى خلّيني اشتقلك

عطيني شويّة وقت شوية مدى

ومن بعدها بقلك بريدك او غيري انا يحبك

***

 

رجعيلي

 

خدّك تلّة تلج غَمرِت ورد لونو قمر

ضحتك فيّة شجر

صنع السما والضو مش صنع البشر

 

وبعدو شَعرِك نازل عل القلم

وهيديك الورقة الكأنّا علم

شو حلوه اوّل مرّه عندك والورق وصدفه مش عن سابق خبر

 

رجعيلي بعيريك من عندي قميص

بخبّرك عن حالي القديم وحديث

كيف كنت ناطر وكيف كان الحريق

رجعيلي